Guztiontzat ezagunak diren IKT-ak,
ordenagailuak, mugikorrak eta abar, gero eta hobespen handiagoa izaten ari dira.
Hori horrela, eskola-porrota murrizteko, teknologia berri hauek erabiltzen hasi
dira. Froga batzuen emaitzetan ikusi den moduan, honi
esker ikasleari hainbat onura eskaintzen zaizkio. Horien artean, umeen ikasteko gogoak pizten dira, ingurune birtualetan
ikasteko aukera dute eta orokorrean errealitatearekin zerikusia duten hainbat
ariketa eta baliabide desberdinak erabiltzeko aukera dute. Beraz, liburuetaz
pixkat ahaztuz eta betiko “txapa” ez jasotzeko, teknologia berri hauen
erabilpenak hainbat emaitza positibo ekarri ditzakeela uste dugu.
Hainbat dira klase batean
ikasleekin erabili daitezkeen tresnak; horiekin zer landu, ikasi eta irakatsi
dezaketen azaltzea da gure helburua.
Nahiz eta agian batzuek uste duten IKT-en erabilpena ez dela eraginkorra, gaur egungo gizartean daukaten erabilpen
handia ikusita, gure ustez, oso beharrezkoa da ikasleak horiek menperatzen
jakitea; horrela etorkizunean arazo larriak ez izateko. Horrez gain, gure ustez
ez da beharrezkoa bakarrik umeei teknologien oinarrizko jakintzak erakustea,
baizik eta hauen bidez ikasten jakitea eta horiek erabiltzen, besteei azalpenak
eman ahal izatea. Era dibertigarriago eta dinamikoago batean ikasi ahal izatea
da honen helburua.
No hay comentarios:
Publicar un comentario