IKT-ei AGURRA-ESKERRIK ASKO

http://youtu.be/fEast1TDseQ

9. ETA 10. ASTEA...AGURRA.

Bederatzigarren astean modulu lanean aritu eta gero, eta aurreko egunetan aurkezpenekin ibili eta gero, heldu da azkenengo eguna. Eta azkenengo egun honetan hasieran genituen sentimenduak eta orain ditugunak guztiz desberdinak dira. Hau da, galduta ibiltzetik lana ongi amaituta dagoen sentimendura igarotze horretan aldaketa asko egon dira.

Hasiera batean ez genekien zer etorriko zitzaigun gainera. Blog bat egin behar genuen, bai, baina lau-hilekoa aurkezpenarekin hasi ginen. Kartulina zati bat hartu eta modu original batean gure buruak aurkeztea erabaki genuen, argazki, irudi eta guzti. Horrez gain, IKTen inguruko hausnarketa bat egitea ere eskatu zitzaigun, ahoz gero, kartulinarekin batera aurkeztu behar izan genuena. Blogaren izenburua ere erabaki genuen. K'mon tutankhamon!!!

Ongi pasatzeko ere uneak izan genituen, Fredericken istorioa kontatu genuenean, esaterako. Baina, komeriak beranduago helduko ziren. Bloga nola sortu azaldu zitzaigun (etiketak, sarrera, orrialdeak...nola egin) eta horretan ez genuen arazo handirik izan. Hala ere, gaiak eta funtzioak zehaztu zitzaizkigunean, nondik hasi ez genekiela ikusi genuen gure burua. Arazo horri, ordea, informazioa bilatuz eta egunero ikusitako egoera desberdinekin (kalean zein klasean) egin genion aurre.

Internet ere gure salbazioa izan zen; bideoak eta artikuluak aurkitu genituen bertan, eta baita gure lana osatzen lagundu zigun informazio guztia ere. Gauzak horrela, blogen sarrerak eta orrialdeak sortuz joan ginen, egunero lan eginez, amaieran blog hau egitea lortu genuelarik.

Gaiaren inguruan, blog amaitzear genuela, bukaerako hausnarketa bat egitea otu zitzaigun, gure iritzi, nondik norako eta abar adieraztea beharrezkoa ikusi baikenuen.

Amaitzeko, esan behar dugu gure ustez, emaitza ona lortu dugula, horri buruz ezertxo ere ez genekiela kontuan izanda, eta blogak inoiz sortu ez ditugula ikusirik. Hori burutzeko, arazoak izan ditugunean, irakaslearen laguntza izan dugula ezin dugu ukatu. Gainera, hitz magikoen orrialdea berari esker sortu genuen, hitz magikoen kontua erabilgarria eta baliagarria iruditu baitzitzaigun, sentimenduen garapena erakusteko. Beraz, irakasleari ere eskerrak ematea ezin dugu ahaztu.

ESKERRIK ASKO!!!

8. ASTEA. AURKEZPENA ETAAAAAAA... AITZIBER ZORIONAK!

Egun on guztioi! Bihar, astelehena, azaroak 5a, Aitziberren urtebetetzea da eta gaur igandea izan arren, berarentzat hau sorpresa izatea da gure helburua!
Beraz, hemen utziko diogu Aitziberri bideo bat bere urtebetetze eguna delako!

http://youtu.be/JB8gfE9I5Oc

 ZORIONAK AITZIBER ESPERO DUGU ONDO PASATZEA!!!!!!!!!!!!!!!!!

7. ASTEA: AZKEN MATIZEAK ETA AURKEZPENAREN PRESTAKETA

Aurkezpena baino lehenago lan egiteko azken eguna izan zen pasadan astelehenekoa. Beraz, bloga eduki aldetik nahiko beteta genuela ikusita, pare bat gauza gehiago gehitu, egunero aukeratzen ditugun hitz magikoak adostu eta aste bete barru genuen aurkezpena antolatzea erabaki genuen. Horretarako, lana banatu genuen, taldeko lau kideok gutxi gora behera berdina hitz egingo genuelarik. Horrez gain, aurkezpenean agertuko ditugun ariketak nola koordinatu ere pentsatu genuen, aurkezpenari berari kutsu praktikoa ere emanez. Amaitzeko, gehitu genituen gauza horien artea, orrialde berri bat izan zen, hausnarketa izenarekin, gogoeta orokor bat azaltzen duena. Beraz, esaerak dioen bezala, "ekinaren ekinez ezina egina" dagoela uste dugu. Izan ere, hasiera batean ezinezkoa zirudien lana nahiko ondo betetzea lortu dugula uste dugu.

Ah!! Ahaztu baino lehen. Blogak eskolan orrialdean, eskuragarri utzi dizuegu maistra bati egindako elkarrizketa. Blogen ingurukoa da, baina mugikorren inguruko pare bat galera ere agertzen dira.

Kulturmapp: Euskal Herriko ondarea sakelean

Euskomedia Fundazioak smartphone telefonoetarako  KulturMapp aplikazioa du. Tresnaren helburua Euskal Herriko kaleak gure ondarearen erakusleiho bihurtzea da. Klik bat eginez erabiltzaileak hirietako zein herrietako kultura, ondare edota turismo edukien gaineko informazioa eskuratzen du modu arin eta erosoan. Une honetan Euskal Herri osoko 175 interes gune baino gehiago biltzen ditu, eta 400 irudi inguru eskaintzen ditu. Aplikazioa doakoa da eta, momentuz, Android sistema eragilea duten sakelakoetan erabil daiteke.

KulturMapp gida birtualak euskal kultura herritarren eskura jartzen du. Aplikazioa erabiltzen duenak gure herrietako monumentu esanguratsuak, eraikin garrantzitsuenak, gertaera historikoak edo pertsonaia ezagunenak hurbiletik ezagutzeko parada dauka. Horretarako informazio zehatza eta laburra biltzen du, klik batean balio handiko edukiak poltsikoan daramagun telefonoan izateko. Bestalde, euskarriak eskaintzen duen geokokatze zerbitzuak KulturMapp aplikazioa  osatzen duten hiri eta herri bakoitzean egon daitezken kultur-guneak identifikatu eta mapetan kokatzen ditu.

http://youtu.be/AlnP_bXkNhY

Iraganera bidaiatzeko aukera ere ematen du, jasotzen dituen ia 400 argazki eta irudi zaharrei esker. Modu horretan, erabiltzaileak hautatu duen tokiaren itxurak urteetan izan duen eboluzioa ikusteko parada dauka, esaterako, Donostiako Igeldo Jolas Parkeak ehun urteotan izan duen bilakaera.

Euskal kulturaren gida berriak euskaraz eta gaztelaniaz eskaintzen du informazioa, eta epe laburrean ingelesez eta frantsesez egongo da. Gainera, metatzen dituen edukien audio-irakurketa egiten du eta, horrenbestez, sakelako telefonoan eskaintzen duen informazioa irakurri egiten du aplikazioak. Zerbitzu horri esker, erabiltzaileak aurrean duen eraikina ikusten ari den bitartean barruan gordetzen duen historia zuzenean entzuteko aukera dauka.

Egunetik egunera aplikazioak gero eta interes gune gehiago eskaintzen joango da. Une honetan 175 item baino gehiago biltzen ditu, Baiona, Bilbo, Donostia, Gasteiz eta Iru�eko kultur-guneak, eta baita hainbat herritakoak ere hala nola, Tolosa, Bastida, etab. KulturMapp Android sistema eragilea erabiltzen duten sakelako telefonoetan instalatu daiteke. Aurrera begira IPhoneOS sistema eragilea erabiltzen dutenentzako ere egokituko da.

Euskomedia Eusko Ikaskuntzaren Fundazioa da, 2000an sortua. Honen helburu nagusia, Eusko Ikaskuntzak eta kanpoko lagunek sortu eduki zientifiko eta kulturalak baliabide telematikoen bitartez zabaltzea da, euskal kultura eta gizarteaz interesa duten pertsonentzat baliagarriak izango direlakoan.

6. ASTEA: ARIKETAK ETA ARTIKULUAK PRESTATZEN

Egun on guztioi!

Dirudienez, ekaitzaren ostean barealdia dator eta asteburu euritsu baten ondoren, gaur eguzkia atera da, hori dela eta lan egiteko gogo gehiago ditugu, izan ere, eguzkiak poztasuna ekartzen digu!

Oraingoan, IKT-ekin zerikusia duten hainbat ariketa prestatzen ari gara eta horrez gain, interneten gaiari buruz artikulu interesgarriak bilatzen ari gara. Beraz, lanean arituko gara etengabe eta emaitza onak lortzea espero dugu.

Hala ere, esan behar dugu, taldekide batek ezin izan duela klasera etorri medikuarenera joan behar izan duelako; baina, IKTei esker, eta blogean edonondik egin daitekeenez lan, berak etxeko ordenagailutik egingo du gaur lan, gurekin mugikorraren bitartez, Watsapp-arekin, kontaktuan jarriz.  Artikuluaren bilaketa horretan, berak sakelakoen erabileraren inguruko testu bat idaztea erabaki du, artikulua izango bailitzan, mugikorrei dagokien orrialde horretan zintzilikatuz, MUGIKORRAK ESKOLAN orrialdean, alegia.

GOGOZ ETA LAN EGITEKO PREST!

Kaixo guztioi!!

Gaur larunbata, a zelako eguraldi kaxkarra asteburu honetakoa. 

Astelehen honetan irakasleak esan zigun bakarrik bi klase egun geratzen zitzaizkigula gure blogaren gaia bukatzeko eta azaroaren 5ean gure blogaren aurkezpena burutu beharko dugu. Beraz, ez dakit zortea den edo zer den baina asteburu honetako eguraldia primeran datorkigu lan egiteko eta hainbat informazio bilatu ahal izateko. Izan ere, kalean hotza eta euria egiten ari da eta horretarako hoberena etxean geratzea da. Hori dela eta, denbora nahikotxo izango dugu bakoitzak informazioa bilatu ahal izateko eta aurkepen egunerako ariketa interesgarri batzuk prestatzeko. Horrela, astelehenean bakoitzak aurkitu duena komentatuko dugu guztion artean.

Besterik gabe, asteburu ona pasa! Nahiz eta eguraldi honekin ez den oso erreza. Beraz, euritakoa atera ezazue! 

IKT-AK: FILMETAKO EFEKTUAK ETA HOBESPENAK OROKORREAN

Asteburu honetan, gutariko askok "Lo imposible" filma ikusi dugu. Oso pelikula polita eta unkigarria izateaz gain, hori ikusita, orain dela urte batzuetatik gaur egunera arte zenbat hobetu dituzten filmen efektuak ikusi ahal izan ditugu. Izan ere, zoragarria da erabiltzen dituzten efektuei esker, pelikulan bertan murgilduta zaudela  sentitzea.

Beraz,  orokorrean IKT-en arloan hobespenak eman direla uste dugu. Hala nola, mugikorretan, ordenagailuetan, pelikulen efektuetan, eguneroko bizitzan aurki ditzakegun gailuetan (erlojuak, aspiragailua, telebista...), etab.




Honekin zerikusia duen bideo bat aurkitu dugu asko gustatu zaiguna eta blogzaleoekin konpartitu nahi duguna. Bideo hau etorkizunean teknologia berriekin nolakoa izango den gure bizitza erakusten digu. Horretaz gain, umeek nola ikasiko duten eta etorkuzinean izango dituzten klase motak ikusi daitezke. Izugarrizko bideoa iruditu zaigu eta egia esanda pixkat kezkatu gara bideo ikusterakoan. Izan ere, ez dugu gure burua kapaz ikusten horrelako aldaketa hain bortitza jasateko.

http://youtu.be/wk146eGRUtI



http://youtu.be/jZkHpNnXLB0

5. ASTEA: GURE BLOGAREN AZALPENA ETA GAIAREN INGURUKO TESTUA OSATU

Pasadan astean esan genuen bezala, asteburu luzea izango genuenez, etxean gaiari buruzko informazio batzen jarraitu dugu, eta gaur guztien atalak orrialdeetan sailkatzea da gure helburua. Bestalde, gelakide guztien aurrean gure bloga aurkeztu dugu eta irakasleak esan digu dena batera igo beharrean, gutxika informazioa igo dezakegula.

Horrez gain, asteburu honetan albiste izan den pelikula batetatik abiatuta, IKT-ei buruz zertzelada batzuk aipatzea bururatu zaigu Gorago dagoen testuan emango dizuegu horren berri, bideo eta guzti.

4. ASTEA: LANA SAKABANATU ETA IDEIAK BILDU

Aste honetan, egokitu zitzaigun gaiari buruzko informazioa hasi gara biltzen. Dena den, informazioa bilatzen hasi baino lehen pentsatzen dugu ondo legokela lanaren planifikazioa burutzea. Horretarako, taldean lau pertsona gaudenez, bakoitzari gaiaren barruan arlo ezberdinetako informazioak biltzea proposatu dugu. Horrela, lana sakabanatuz arinago egin ahal izango ditugu gauzak eta ondoren, guztion artean komentatu. Bakoitzaren arlo ezberdinetako landu behar dituen edukiak honakoak izan dira: mugikorrak eta horien erabilera geletan, orokorrean IKT-een eragina eskolan, eskola 2.0ri buruzko informazioa eta azkenik, paper zorroak (blogak) eta honen erabilera eskolan. Behin bakoitzak bere informazioa aurkitu eta bere erara antolatuta, hurrengo astean guztiok elkartuko gara eta aurkitutakoa azalduko diogu elkarri, gero, dugun informazioarekin zer egin erabakitzeko.

Gaurko klasean, 4 saio gehiago geratzen zaizkigula esan digu irakasleak. Horrek larritzen gaitu, izan ere denbora gutxi daukagula uste dugu. Dena den, aste honetan ostegunean dagoen greba dela eta, asteburu luzea izango dugu eta lana aurreratzeko denbora izango dugu!

3. ASTEA: MODULU LANA

Aste honetan, ikasgai ezberdinetako irakasleek zenbait informazio eskeini digute. IKT ikasgaiari dagokionez, irakasleak honekin zerikusia duten hainbat orrialde eta informazio erakutsi dizkigu. Horien artean eta erakargarria iruditu zitzaiguna, Google Akademikoa orrialdea izan zen. Bertan, informazioa eskolarekin lotura handiagoa dauka eta baita ere, tesiak eta lan ofizialagoak agertzen dira.

Edonor bertan sar daiteke, beraz, frogatu nahi izatekotan zalantzarik gabe google normalean Google Akademikoa idatzi eta eskaitzen dituen ekintzak frogatu beldurrik gabe!

Gero, ia klase bukaeran,  abesti bati nola kendu ahal zaion pertsona baten ahotsa erakutsi zigun gelakide batek. Programa bat deskargatuz eta azalpen batzuk jarraituz oso erraz egin daitekeen jarduera da. Gainera, dirudi ez arren, oso beharrezkoa ikusten dugu hori egiten jakitea. Izan ere, modulu lan honetan, bideo batzuk grabatu behar ditugu eta agian musikaren bati ahotsa kentzea gustatuko litzaiguke.

Beste hainbat gauza azaldu dizkigu irakasleak, dena den, modulu lana astea denez eta irakasleak proposatu digun gaia honekin ez gaudenez lantzen, modulu lana egiten jarraituko dugu eta hurrengo astean daukagun gaiari hasiera emango diogu.

2. ASTEA... KLASEKO BLOGAK ERREPASATZEN, FREDERICKEN ISTORIOA KONTATZEN ETA FUNTZIOAK BANATZEN

Gure klase praktikoan, guztira lau-bost pertsonako sei talde osatu ditugu. Klase hasieran, irakasleak talde bakoitzaren blogak zabaldu ditu proiektorean denok denongandik ikasteko helburuarekin. Izan ere, horietan akatsak, baina baita gauza positiboak ere ikusi ahal izan dira. Hala nola, etiketak nola sortu, bideo bat youtubetik era egoki batean nola txertatu, etab. Blogen izenak honakoak dira: kenpaa4.blogspot.com.es; laurokbat.blogspot.com.es; oriminurti.blogspot.com.es; marigorringoperez.blogspot.com.es; gonazpikue.blogspot.com.es eta azkenik, gurea, xaitaioi.blogspot.com.es.

Ondoren, klasea aurrera joan ahala, Alaitzek Frederick-i buruzko bideo batzuk jarri dizkigu eta liburu bat irakurtzeko boluntarioak eskatu ditu. Horiek, gure taldeko hiru izan gara: Xabier Bravo, Oihane Delgado eta Itsaso Cantero. Bideoa soinurik gabe jarri du eta guk, bitartean, istorioa kontatzen joan gara, bideoaren irudiekin batera.

Hemen utziko dizuegu ikusitako bideoa. Ingelesez dago baina liburua erosi nahi izatekotan euskarazko bertsioa aurki dezakezue!

http://youtu.be/IGwdwvkn0Cw

Azkenean, talde bakoitzak zein esparrutan zentratuko den adostu behar izan du irakaslearekin batera. Gure kasuan,  egokitu zaigun esparru edo funtzioa BLOG eta PAPER ZORROekin loturikoa izan da, ia zelan atera diezaiokegun probetxua eskoletan horietako bakoitzari. Horiekin batera, MUGIKORREKIN klasean zerbait produktiboa atera daitekeen ere pentsatuko dugula adostu dugu. Amaitzeko, ESKOLA 2.0.ren inguruan zerbait lortzen badugu ongietorria izango, esparru hau eta mugikorrena momentuz kolokan utziko ditugun arren.

TALDEA AHOZ AURKEZTEN ETA IDEIA NAHASPILA ORDENATZEN

Aurreko hastean, burutzen hasi ginen eta etxean amaitu genuen taldeko fitxa aurkeztu genuen klasean. Aurkezpen horretan, kartulinazko fitxa erabili genuen euskarri, non lau atal zeuden , irudi eta zenbait daturekin, gutako bakoitza deskribatzen zutenak, aurretik aipatu dugun bezala, norberaren erresistentzia eta baloreekin.

Horrez gain, aurkezpena egin aurretik, taldean hausnarketa bat egin behar izan genuen IKT-en inguruan. Bertan, zein tresna eta baliabide erabiltzen ditugun, bizi ditugun esperientziak eta ikastea zer gustatuko litzaigukeen bildu genuen, gero, aurkezpen horretan ere tartetxo bat horri eskainiz. Ordenagailuak, mugikorrak eta telebistak izan ziren tresnarik aipatuenak, lehenengo biei berebiziko garrantzia emanez. Izan ere, gazteak garenez gero, horiek dira gehien erabiltzen ditugunak, batez ere, sare-sozialen erabilpenerako. Gainera, albisteak jasotzeko eta entretenimendurako ere erabiltzen dira, eta baita, lanetarako ere. Adibidez, ikaskuntzarekin lotuz, gure esperientzietan oinarrituta, apunteak hartzeko eta hotmail edo gmail bidez trukatzeko, lanak egiteko eta horien aurkezpenerako (excell, word, power point), irakasleekin harremanetan jartzeko... Hausnarketaren amaieraran IKTak modu egoki batean eta gehiegekeriarik gabe nola erabili daitezkeen ikastea gustatuko litzaigukeela esan genuen, horiekiko dugun iritzi txarra (izan ere, noizbait menpekotasun kasuak bizi ditugu inguruko jendearekin) aldatzeko.

Ondoren, dokumentatzea zer den azaldu ostean, kontratu didaktikoa erabaki genuen denon artean, ondorengo hau adostuz: dokumentatu eta esperientzia didaktiko biziak sortu IKTekin lan taldeen errespetua eta konpromezua sustatuz.

Jarraian, blog-a betetzen joateko hainbat azalpen eman zitzaizkigun, hala nola, sarrerak nola idatzi, horietan nola txertatu bideoak, orrialdeak nola egin, etiketak nola jarri...

Klasearekin amaitzeko, jasotako ideia zaparrada oinarri hartuta, blog-arekin lanean jarri ginen, genuen nahasmena ordenatuz gure blog honi itxura atsegina eman geniolarik.

1. ASTEA...BLOGAREN HASTAPENA

Lauhileko honetan, IKT irakasgai berria hasi gara ematen. Hala ere, eta konturatu gabe, txiki-txikitatik gure artean izan ditugu Informazioaren eta Komunikazioaren Teknologia horiek; hala nola, telebista, mugikorra eta ordenagailua. Aurreko astean, horretaz mintzatu ginen denon artean, gaiari buruz genekienari buruz, alegia.

IKTak zertarako erabiltzen ditugun aipatu genuen, eta baita horien inguruan bizi izan ditugun zenbait esperientzia ere. Horrez gain, eta nola funtzionatuko dugun azaldu ostean, lau pertsonako taldeak egin eta urteko lehenengo ariketarekin hasi ginen. Taldeko kide bakoitzak, erresistentzia eta balore batzuen artetik bat aukeratu behar izan zuen, helburu genuen taldeko erresistentzia eta balore bakarra aukeratzeko.

Amaitzeko, eta abesti erlaxagarri bat entzun ondoren, klasekide guztiek klasea definitzeko hitz bakar bat bota behar izan zuen. Adibidez, gureak ondorengo hauek izan ziren: aurkezpena, dinamikoa, kuriositatea eta berezia. 
   
http://youtu.be/9qvglWAHDak